KOM Muzîkî ra serra 33. ya Qetlîamê Sêwasî de 'Seba Vîrardişê Sêwasî'
Xebata ke verê nê platforman de dîjîtal ca nêgirewtbî, serra 33. ya Qetlîamê Sîwasî de hetê KOM Muzîkî ra bi hewayêko dîjîtal ame parekerdene.
KOM Muzîkî, serra 33. ya qetlîamî de ke Sêwasî de 2ê temmuze 1993î qewimîya û tede 33 rewşenbîrî bi veşnayene ameyî qetilkerdene, xebatêka muhîme weşanaye.
Çarçewa serra 33. ya Qetlîamê Sêwasî de ke seba elewîyan cayê agêrayîşî yo, albuma "Ji Bo Bîranîna Sêwasê", ke serrêk badê qetlîamî hetê Merkezê Kulturê Mezopotamya (MKM) ra bi keda gelek hunermendan amade bî û rewşenbîran rê ameyî qetilkerdene, ame atifkerdene, platformanê dîjîtalan de ame weşanayene.
Albuma ke tede eserê kurmancî, zazakî û tirkî ca gênê, xebatê ke hetê 10 hunermendan ra ameyî vatene, êyê ke qetlîamî de cuya xo ra bî rê ameyî atifkerdene. Albuma bi nameyê "Werin Dostno: Ji Bo Bîranîna Sêwasê" ke 1994î de mîyanê Mazlum Plakî de ame çapkerdene û parekerdene, serranê ameyan de arşîvê KOM Muzîkî ameybî îlawekerdene.
Albuma ke verê nê platformanê dîjîtalan de ca nêgirewtbî, serra 33. ya Qetlîamê Sîwasî de hetê KOM Muzîkî ra bi hewayêko dîjîtal ame vilakerdene.
