KCK: Ma wazenê na yewe bi hawayêko eşkera nîşan bidê; Ne Rêber Apo ne zî Têgêrayîşê ma yê Azadîye ferzkerdişêk qebul keno. Bi vatişê 'Ma qanun vet, qebul nêkenê' ercnayîş û ferzkerdişê polîtîkaya şerê taybetî, do bibo nêzdbîyayîşêko dûrîyê aqilî.
Vîzêr şewe Pîranşar û Serdeştê Rojhelatê Kurdistanî de mabênê hêzanê partîyanê Rojhelatê Kurdistanî û Artêşa Pasdaran de pêrodayîş vejîya. Netîce de 5 pêşmergeyî cuya xo vîndî kerdî.
Wexto ke krîzo îqtîsadî yo ke xorî beno, xizanîya şaristanan û rijîyayîşê zîretî komel girewto binê abluqaya xo; êyê ke vanê aştîyêka komelkî ya domdare tenya bi înşakerdişê ekonomîya komunala adile û herêmîye eşkena bêra ca, Amed de yenê têhet. DBP ra Komxebaa Ekonomîya Demokratîke û Rêxistinbîyayîşê Ekonomîkî
Serrgêra 33ine ya Qirkerdişê Madimakî de, seba 33 roşnvîr û hunermendanê ke Sêwas de qetil bîyî, bi hezaran kesî bi slogananê "Sêwas vîra nêşo, vîrî ra nêde" meşêk viraşt. Temsîlkarê partîyanê sîyasîyan û dezgehan zî tewrê rayîrşîyayîşî bîyî.
Keyepelê Ajansê Numedya24, keyepelê ma û Ajansê Welatî ke bi ziwanê kurdkî weşan kenê, ameyî astengkerdiş.
Rejîmê Îranî saetanê şewe de bi dron û muşekan hêrişê sînoranê Hewlêr û Balekayetî yê Başûrê Kurdîstanî kerd. Dima ra herême de adir vejîya û derheqê zîyananê madî û ganîyan de hema qet malumat nêdîyayo zanayene.
Xebata ke verê nê platforman de dîjîtal ca nêgirewtbî, serra 33. ya Qetlîamê Sîwasî de hetê KOM Muzîkî ra bi hewayêko dîjîtal ame parekerdene.
Hûmaraya Temuze ya rojnameyê Komînalî bi mesajêkê Abdullah Ocalanî vejîyaye. Rayberê Şarê Kurdî Abdullah Ocalanî mesajê xo de bale anto avzelîya pratîkî ser û va: "Îhtîyacîya wextê neweyî bi têna munaqeşeyê teorîkî nîyê; ganî yew xeta weşane awan biba ke cuye de verpersê xo bivîna, komelî rêxistin bikera û rayîranê pratîkîyan biaferna."
FEDA û DAKBî seba vîrê yadkerdişê Qirkerdişê Madimakî eşekrayîyêk pare kerd; dîyar kerd ke tewr verê Kerbela ra heta Koçgirî, Çorum û Madimakî vera pêro qirkerdişanê elewîyan de rîbîrîameyîş nêbo, bêcezaverdayîş nêqedîyo û hemwelatîya seypê nêra ca aştîya komelkî awan nêbena.
Xelatgirewtoxa Aştî ya Nobelî Jody Williams Rayberê Şarê Kurdî Abdullah Ocalanî mektubê piştîdayîşî erşawit. Jody Wîllîams îfade kerd ke fikrê Rayberê Şarê Kurdî Abdullah Ocalanî yê derheqê demokrasî, têhetbîyayîş, azadîya cinî û çareserîyanê aştîyaneyan de hêvî daya xeylê însanan.
Meclîsê Cinîyan ê Şaredarîya Peyasî ke tewr peyên îdarekarîya xo newe kerdbî, roniştişê xo yê yewine ê hîra Keyeyê Kerpîçî yo ke Parka 75 de yo, uca de organîze kerd.
DEM Partî derheqê Kongreya Pîle ya Asayî ya 5. de ke do 20ê êlule de bivîraza agahîname weşana û eşkera kerd ke ê bi îradeyê vûrayîş û bedilîyayîşî seba dewrê neweyî do xerîtaya rayîrî bivirazî.
Ame musayene ke Sefer Baran ke veradayîşê ey 6 rey taloq bîyo, tira persê “Ti Abdullah Ocalanî senî vînenî?” ameyo perskerdene. Îbrahîm Baranî ke vist virî ke rîyê taloqkerdişanê ra 2 serrî yo birayê ey hepisxane de yo, vat: “No tetbîqato bêhuqûqî ganî biqedîyo.”
Rita vist virî ke badê beşdarbîyayîşê lajê xo yê safanê enternasyonalîstan, Şorişê Rojawanî û felsefeya Rayber Apoyî nas kerd; vat: "No sefer hêz dano mi. Ez wazena biba sefîra cuyêk ke şar têhet, hempar o."
Grûba Kampanyaya ‘Roja Sêşeme Dardekerdişan Rê Nê’ hewteyo 127. de çalakîya xo 57 hepisxaneyanê Îranî de domnena.
Cenazaya Erol Kurtî ke badê 11 serran teslîmê keyeyê ey ameye kerdene, Wan de bi merasîmeko girseyî ameye definkerdene.
Şero ke di Qezaya Pawe ya Rojhelatê Kurdîstanî de vejîya 2 Muhafizê Şorişî yê Îranî ameyî kiştene û 2 hebî zî bi giranî birîndar bîyî.
89 ciwanî ke seba ke bi rayraşîyayîşî Zîrweyê NATOyî protesto kerdbi, ameybî destebndkerdene, dimayê kar û baranê emnîyetî ameyê veradayene.
Hepsê sîyasîyî yê Zindanê Merkezî yê Savehî, vera bêedaletîya mehkemeyan, binpaykerdişê heqanê bingeyênan û cezayanê giranan, dest bi grevê vêşanîye kerd.
KCK’yî Kerbale sey sembolê têkoşînê edalet, seypêyî û wayûbirayîye name kerd û vat: “Vera zulman ke roja ma de yenê domnayene gerek bi xeta têkoşînî ya Huseyîn û Zeynepe bêro vervejîyayene. No rayîro tewr raşt o ke şehîdanê Kerbela dano ciwîyayene.''
Verê mîtîngê "Bi Rayberîya Azade ver bi Komelê Demokratîkî" ke roja yewşemeyî Amed de yeno viraştene, Amed, Xarpêt, Çewlîg, Êlih û Sêrtî de bi parekerdişê broşûran, xebata standan û pêdîyayîşanê şarî vengdayîşê beşdarbîyayîşî ameyî kerdene.
Başak Demîrtaşe, fotografê neweyî yê Selahattîn Demîrtaşî yo ke Zîndanê Edîrne de yo, pare kerd.
Şaredarîya Sûrî çarçiweya xebatanê xo yê zafziwanîyan de, seba xebatkaranê şaredarîye kursê wendiş û nuştişî yê zaravayanê kirmanckî û kurmancî da destpêkerdene. Kurso ke rastê eleqeyêko pîl yeno, do averberdişê xizmetanê şaredarîye yê zafziwanîyan de rolêko girîng kay bikero.
Konseya Rayberdişî ya KNK’yî verê kombîyayîşê serekanê NATO’yî yo ke aşma temmuze de Anqara de bêro viraştene, mektube ke akerde erşawit û wina vat: “Seba yew prosesê aştî yê cîdî û serkewte paştî bidê şertanê laziman.”