Dayîşanê bi kartan de gora parî seyî ra 32 zêdebîyayîş
Aşma Gulane de bi kartanê kredî, yê bankayî û kartanê verêparî pêro pîya 2 trîlyon û 633,6 mîlyar lîra dayîş amey kerdene. Pêro miqdar gora eynî aşma parî sed ra 32 zêde bîyo.
Gora Merkezê Kartan ê Mabênê Bankan (BKM), gulane de Tirkîya de hûmara kartanê kredî bîya 149 mîlyon, yê bankayî 216,6 mîlyon, yê verêparî zî bîyî 99,1 mîlyon. Gora parî kartê kredî sed ra 11, yê bankayî sed ra 2 zêde bîyî; yê verêpari zî sed ra 3 kemî bîyî. Pêro hûmara kartan sed ra 3 zêde bîya û resaya 464,7 mîlyonî.
Gulane de 2 trîlyon û 212,9 mîlyar lîra bi kartanê kredî, 412,8 mîlyar lîra bi yê bankayî û 7,9 mîlyar lîra zî bi yê verêparî dayîş amey kerdene. Miqdara dayîşî kartanê kredî de seyî ra 30, yê bankayî de seyî ra 50 zêde bîya; yê verêparî de seyî ra 59 kemî bîya. Hûmara dayîşan zî sed ra 7 zêde bîya û resaya 1,9 mîlyarî.
Dayîşê înternetî sed ra 19 zêde bîyî û bîyî 740,4 mîlyar lîra. Payê înternetî sed ra 28 o. Dayîşê bêtemasî sed ra 50 zêde bîyî û bîyî 961,8 mîlyar lîra. Dikanan de her 5 dayîşan ra 4 bêtemas amey kerdene.
